کمٹہ 10/ جون (ایس او نیوز) کمٹہ تعلقہ کے معروف سیاحتی مقام گوکرن کُڈلے بیچ پر ایک 36 سالہ شخص غرق ہوکر ہلاک ہوگیا جس کی شناخت ریشبھ سنگھ کی حیثیت سے کی گئی ہے۔ واردات بدھ کی صبح پیش آئی ہے۔
ذرائع سے ملی اطلاع کے مطابق ریشبھ بنگلور سے تفریح کرنے گوکرن آیا تھا اور ایک ہوٹل میں قیام پذیر تھا، صبح سمندر میں نہا نے کےلئے سمندر میں اُترا تھا کہ اچانک اونچی اُٹھتی لہروں کی زد میں آگیا جس کی وجہ سے وہ واپس کنارے تک آنے میں ناکام ہوگیا اور وہیں غرق ہوگیا۔
گوکرن پولس تھانہ میں معاملہ درج کیا گیا ہے، پولس مزید چھان بین کررہی ہے۔